ager tum dhoondna chaho tu may tum ko

ager tum dhoondna chaho
tu may tum ko
khazaan asaar bay saya darakhtoon may miloon ga
jahan mehtaab say mehroom raatoon ko khazaan aaram kerti hay
jahan girtay hoey pattoon kay matam may
hawa ka saaz shamil hay
mairi awaz shamil hay
agar tum dhoondna chaho
tu may tum ko
kisi veeran basti may
kisi bay aab sehra may miloon ga
kay may sehra may urti rait kay zaroon ka hissa hoon
koi bhooli kahani hoon
koi pareena kissa hoon
kisi din tum jo aa niklo
kisi veeran kareey may
jahan koi nahi rehta
jahan tareek raatoon ko
khamooshi cheekh ker apnay makeenoon ko bulati hay
achanak uss kharabay may
kahin baitha hoa daikho
kisi tanha musafir ko
tu phir itna samjh lain
kay tum nay paa lia mujh ko
agar tum dhoondna chaho