kisi ki aankh say sapnay chura kar kuch nahi milta mundairon say charaghon ko bujha kar kuch nahi milta

kisi ki aankh say sapnay chura kar kuch nahi milta
mundairon say charaghon ko bujha kar kuch nahi milta

humari soch ki parwaz ko rokay nahi koi
naay aflak pay pehray bitha kar kuch nahi milta

koi ik adh sapna ho to phir acha bhi lagta hay
hazaron khowab aankhon may saja kar kuch nahi milta

skoon un ko nahi milta kabhi pardais ja kar bhi
jinhain apnay watan say dil laga kar kuch nahi milta

ussay kehna palkon pay na tankay khowab ki jhalar
samandar k kinaray ghar bana kar kuch nahin milta

yay acha hay k aapas k bharam na tootnay pain
kabhi bhi doston ko aazma ker kuch nahi milta

najanay kon say jazbay ki yun taskeen karta hun
bzahir to tumharay khat jala kar kuch nahi milta

faqat tum say hi karta hoon may sari raaz ki batain
har ik ko dastanay dil suna kar kuch nahi milta

amal ki sookhi rag may zara sa khoon shamil kar
meray humdam faqat batain bana kar kuch nahi milta

ussay may piyar karta hun to mujh ko chain aata hay
wo kehta hay usay mujh ko sata ker kuch nahi milta

mujhay aksar sitaron say yayhi awaz aati hay
kisi k hijir may neendain ganwa kar kuch nahi milta

jigar ho jayy ga chunny yay aankhain khoon roaingi
WASI bay faiz logon say nibha kar kuch nahi milta........................................!!!