Meri wafa nay khilaaye thay jo gulaab saray jhulas gaye hain
Meri wafa nay khilaaye thay jo gulaab saray jhulas gaye hain
Tumhari ankhon main jis qadar thay woh khwab saray jhulas gaye hain
Jo tum gaye tou meri nazar pay haqiqatoon kay azaab utray
Yeh soochta hoon keh kia karoonga saraab saray jhulas gaye hain
Usay batanaa keh us ki yaadoon kay saray safhay jala chuka hoon
Kitaab-e-dil main raqam thay jitnay woh baab saray jhulas gaye hain
Tumhari nazroon ki yeh tapish hai keh meray lafzoon pay aablay hain
Sawaal saray jhulas gaye hain jawaab saray jhulas gaye hain
No comments:
Post a Comment