wo jo deep jaltay thay baam per,

wo jo deep jaltay thay baam per,
wo nahi rahey
wo nahi rahey k jo aik rabt tha darmayan wo bikhar gaya
wo hawa chali
wo kisi sham aisee hawa chali
k jo barg thay sar-e-shakh-e-Jaan’, wo gira diye
wo jo harf darj thay rait per, wo ura diye
wo jo raaston ka yakeen thay
wo jo manzilon k ameen thay
wo nishan-e-pa bhi mita diye!
maire humsafar, hai wohi safar
magar aik moor k farq se
tere hath se maire hath tak
wo jo hath bhar ka tha fasla
kai mosamon mai badal gaya
usey naptey, Usey kat tay
mera sara waqt nikal gaya
nahi jis pe koi nishan-e-pa
mery samnay hai wo rah guzar
meray chahrah ger
meray durd ki tujhay kia khabar
ye jo raig-e-dasht-e-firaaq hai
meray raaston’ mein bichee hui
kisi morr pay ye rukay kaheen’
ye jo raat hai meray chaar soo
magar is ki koi seharr nahi
na he chhaa-on’ hai na samara koi
main nay chhaan daykha shajar shajar
meray chahrah ger
meray durd ki tujhay kia khabar