عشق کا موسم غم کی ہوائیں اف ری جوانی ہائے زمانے
دل میں تمنا لب دعائیں اف ری جوانی ہائے زمانے
صحنِ چمن اور بادہ پرستی رات کا منظر عالمِ ہستی
قدموں پہ ساغر سر پہ گھٹائیں اف ری جوانی ہائے زمانے
ایک گلی سے روز گزرنا گرچہ کسی سے بات نہ کرنا
سینے میں دھڑکن منھ پر ہوائیں اف ری جوانی ہائے زمانے
گھر پہ وہ اک مہ پارہ کا آنا بات نہ کرنا آنکھ چرانا
دل کو خلش تنہا کبھی پائیں اف ری جوانی ہائے زمانے
No comments:
Post a Comment